Дзень роднай мовы
"Родная мова – гэта першая крыніца, праз якую мы пазнаем жыццё і акаляючы нас свет", - так казаў Я.Колас.
Беларуская мова прайшла доўгі шлях, на якім былі , як часы росквіту, так і часы заняпаду.Былі нават такія перыяды, калі беларуская мова ледзь не знікла. Аднак, нягледзячы на ўсе перашкоды, наша мова вытрымала выпрабаванні і цяпер квітнее, займае сваё пачэснае месца сярод іншых моў.
Сення ў дзіцячым садку мы адзначалі Дзень роднай мовы, пачынаючы ад ранішняга прыёму і заканчваючы тым момантам, калі апошнія з выхаванцаў пакінулі сцены ўстановы.
Усе мерапрыемствы былі падпарадкаваны мэтам папулярызацыі і пашырэнню сферы выкарыстання беларускай мовы ў дзіцячым калектыве; развіццю пазнавальнай актыўнасці дашкольнікаў да роднай мовы і маўлення ў розных відах дзіцячай дзейнасці; выхаванні цікавасці і моўнага чуцця да роднай мовы.
На працягу дня выхавацелі стваралі камунікатыўныя сітуацыі для зносін дзяцей на беларускай мове. У малодшай групе перавага аддавалася мастацкаму слову – пацешкам, забаўлянкам, казкам, вершам; у старшай групе беларуская мова ўжывалася на занятках, ў гульнях (рухомыя гульні, гульні-дыялогі, і г.д.). Выхаванцы з жаданнем уключаліся ў драматызацыі, ігралі на народных музычных інструментах, пелі песні на роднай мове і танцавалі беларускія танцы. На прагулках таксама былі арганізаваны беларускія рухомыя гульні ("Капялюш" і інш.). Для бацькоў у інстаграм-акаунце сада было размешчана экспрэс-апытанне на веданне слоў беларускай мовы. У памяшканнях групы змяшчаліся тэматычныя кніжкі-раскладкі з выявамі розных прадметаў або аб'ектаў і іх назвамі на беларускай мове. Беларуская мова гучала ва ўсіх узроставых групах на працягу дня.
Дні роднай мовы даюць магчымасць узгадаць , што мы - беларусы, а нашай роднай мовай з'яўляецца беларуская. Гэта тое багацце, якое перадаецца нам з пакалення ў пакаленне і суправаджае нас усё жыццё.
