Новости проекта
С Новым годом и Рождеством!
Разъяснение ситуации с рекламой и предупреждением МАРТ
Обновленные функции Schools.by
Пастулаты народнай педагогікі
Пастулаты народнай педагогікі:
- Беларусы любяць дзяцей. Дзеці у сям'і – багацце, радасць: “Многа дзяцей – многа клопату, але і радасці шмат”, “ З дзеткамі – гора, а без дзетак удвое”, “Усякая матка хваліць сваё дзіцятка”.
- Адукаванасць, выхаванасць – абавязковыя атрыбуты беларуса: “Не кручаны – не рамень, не вучаны – не чалавек”
- Выхаванне – тонкая, далікатная, складаная праца. “Што ў маленстве выхаваеш, на тое ў старасці абапрэшся”, “Калі тонкага дрэва не сагнеш, то тоўстага не адужаеш”
- Выхаванне і навучанне - абавязак бацькоў. “Умеў дзіця радзіць, умей і навучыць” , “Хто без навукі, той як бязрукі”, “Дзетак узгадаваць - не курак пасклікаць”.
- Правільна арганізаваць выхаванне можа толькі чалавек з высокімі маральнымі якасцямі. “ З пустога посуду не п'юць, не ядуць”
- Поспех выхавання залежыць ад акружэння дзіцяці. “У лесе людзі дзічэюць, а ў людзях люднеюць”
- Прыклад бацькоў – аснова фарміравання асобы. “Які бацька, такія і дзеткі”, “Якое карэнне, такое і насенне”, “Які род, такі й плод”
- Выхаванне трэба пачынаць з ранняга дзяцінства. “Не слухаў малы, не паслухае і вялікі”, “Тады дзяцей вучаць, як поперак лаўкі ходзяць”, “Да пяці год пястуй дзіця, як яечка, з сямі - пасі, як авечку - тады выйдзе на чалавечка”
- Выхаванне павінна быць разумным, строгім. “Дай дзецям волю - сам улезеш ў няволю”, “ Бацькоўскае слова дарэмна не гаворыцца”
- За дрэннае выхаванне нясуць адказнасць бацькі. “Пакаранне для дрэннага бацькі – дрэнны сын”, “Не ўмеў гадаваць – умей выбачаць”, “Наравісты сын - ганьба бацькі”
- Галоўны пастулат народнай педагогікі: “Усё жывое працуе”, “Хто працуе, таму і шанцуе” ,.г.зн. неабходна выхоўваць працавітасць, паважлівыя адносіны да працы і нецярпімасць да ляноты, гультайства.
Комментарии:
Оставлять комментарии могут только авторизованные посетители.
